सर्वेक्षक र लेखापढी व्यवसायी घुससहित पक्राउ

काठमाडौं । अख्तियार दुरुपायोग अनुसन्धान आयोगले नापी कार्यालय साँखु, काठमाडौंका नापी सर्वेक्षक श्याम कृष्ण न्यौपाने र लेखापढी व्यवसायी विष्णु के.सीलाई १ लाख ५० हजार रुपैयाँ घुससहित पक्राउ गरेको छ ।

जग्गा साविक गर्ने प्रयोजनको लागि सेवाग्राहीसँग घुस रकम माग गरिरहेको भन्ने उजुरीका आधारमा तीनै जनालाई पक्राउ गरी अनुसन्धान भइरहेको अख्तियारद्धारा जारी विज्ञप्तीमा जनाइएको छ ।