२०७८ साल वैशाख ७ गते मंगलबार

तपाईँ सुन्दै हुनुहुन्छः

दलहरुबीच अन्तर्विरोध बढे व्यबस्थामा नकारात्मक असर पर्नेः सभामुख महरा

संघीय व्यवस्था लगायतका वर्तमान उपलब्धिका सारथि राजनीतिक दलबीच अन्तरविरोध देखिए त्यसले व्यवस्थामा नकरात्मक असर गर्ने हुनाले सचेत रहन दलहरुलाई आग्रह

रोमा रायमाझी,सरिता खनाल २०७६ असार १६ गते १२:००

काठमाण्डौ । सभामुख कृष्णबहादुर महराले संसदीय अभ्यासलाई प्रभावकारी बनाउन सबै राजनीतिक दलहरुलाई आत्मसमीक्षा गरि अघि बढन आग्रह गर्नुभएको छ ।

ससंद दिवसका अवसरमा पूर्व सांसद मञ्चले आज संघीय संसद भवन नयाँ बानेश्वरमा आयोजना गरेको कार्यक्रममा सभामुख महराले लोकतन्त्र, गणतन्त्र, गर्नुभयो ।

सभामुख महराले २०१६ सालमा पहिलो पटक नेपालमा संसदको स्थापना भएको र यसबीचमा पटकपटक संसदीय व्यबस्था खोसिएर जनताले पाएको अधिकार पनि गुमेको अवस्थाबाट सिक्दै वर्तमानमा देखिएका समस्या र चुनौतिको समाधान गर्न पूर्व एवं वर्तमान सांसदहरु तत्पर रहनुपर्ने बताउनुभयो ।

कार्यक्रममा उपसभामुख डा. शिवमाया तुम्बाहाम्फेले मुलुकको भविष्य समृद्ध र सुनौलो बनाउन संसदीय ईतिहासबाट सिक्दै वर्तमानमा कदम चालिनुपर्ने बताउनुभयो । उपसभामुख तुम्बाहाम्फेले नेपालको संसदीय ईतिहासमा आजको दिन गौरवपूर्ण रहेको बताउनुभयो ।

पूर्वसभामुख एवं पूर्व सांसद मञ्चका अध्यक्ष तारानाथ रानाभाटले सामाजिक सदभाव कायम गरी राष्ट्रिय एकता मजबुत बनाउन आवश्यकता रहेको भन्नुहुँदै यसका लागि सरकार, सांसद, पूर्वसांसदहरुको सहयोग र समन्वय अपरिहार्य रहेको बताउनुभयो ।

नेपाली काँग्रेसका प्रमुख सचेतक बालकृष्ण खाँडले संविधानको जगमा उभिएको संघीय, गणतन्त्र, लोकतान्त्रिक व्यवस्थामा सबै राजनैतिक दलहरुले संसदमा संसदीय व्यवस्थाको सम्मान गर्नुपर्ने बताउनुभयो ।

कार्यक्रममा सांसदहरु दिनानाथ शर्मा र सुरेन्द्र पाण्डे लगायतका सांसदहरुले ऐन कानुन निर्माणमा सत्तापक्ष प्रतिपक्ष सबै दलहरु सहकार्य र सहयोग गर्दै मुलुकको विकास निर्माणमा एकताबद्ध भएर अघि बढनुपर्ने बताउनुभयो ।

कार्यक्रममा राष्ट्रिय सभाका अध्यक्ष गणेशप्रसाद तिम्लिसेना, पूर्व सभामुख तथा उपसभामुखहरु, कानूनमन्त्री लगायत सांसद एवं पूर्वसांसदहरुको उपस्थिति थियो ।

सम्बन्धित

एन आर एन नेपाल डेभलपमेन्ट फन्ड सञ्चालनमा

५ घन्टा अगाडि भुवनप्रसाद आचार्य