प्रभावकारी रूपमा सेवा प्रवाह गर्न सभामुखको निर्देशन

दाङ । सभामुख कृष्णबहादुर महराले नागरिकलाई छिटोछरितो निष्पक्ष भई प्रभावकारी रूपमा सेवा प्रवाह गर्न कार्यालय प्रमुखहरुलाई निर्देशन दिनुभएको छ ।

सभामुख महराले जिल्ला प्रशासन कार्यालय दाङमा आज कार्यालय प्रमुखहरूलाई सम्बोधन गर्नुहुदै जनताका कामलाई द्रुत गतिमा सम्पन्न गर्न र विकास निर्माणका कामलाई तीव्र गति दिन निर्देशन दिनुभयो ।

सभामुख महराले कर्मचारी मानसिकताबाट माथि उठेर उत्कृष्ट सेवा प्रवाह गर्न आग्रह पनि गर्नुभयो ।