२०७७ साल चैत २९ गते आइतबार

तपाईँ सुन्दै हुनुहुन्छः

प्रथम सहिद लखन थापाको स्मृतिमा बाटिका निर्माण हुने

बिश्व अधिकारी २०७६ साउन १२ गते ११:२२

मकवानपुर। नेपालका प्रथम सहिद लखन थापाको स्मृतिमा मकवानपुरमा बाटिका निर्माण गर्न लागिएको छ ।
मकवानपुरको हेटौंडा उपमहानगरपालिका–१२, सिग्रेनीमा रहेको परिवर्तन सामुदायिक वन क्षेत्रमा बाटिका निर्माण गर्न लागिएको हो ।
सरकारले २०७३ सालमा लखन थापालाई नेपालको पहिलो सहिद घोषणा गरेको थियो । उहाँको सम्मानमा नेपाल मगर संघले लखन बाटिका निर्माणको अभियान सुरु गरेको मगर संघ मकवानपुरका पूर्व अध्यक्ष तथा बाटिका निर्माण अभियानका संयोजक विश्व आलेले जानकारी दिनुभयो ।
बाटिका निर्माणका लागि पर्सा राष्ट्रिय निकुञ्ज र परिवर्तन सामुदायिक वन उपभोक्ता समूहले १ दशमलव १२ हेक्टर जग्गा हस्तान्तरण गरेको छ । निकुञ्ज र सामुदायिक वनले ४ वर्ष अगाडि नै जग्गा हस्तान्तरण गरेको भए पनि आवश्यक पूर्वाधारको काम गर्न नसक्दा काम अगाडि बढ्न नसकेको आलेले बताउनुभयो । अहिले पार्क निर्माणका लागि प्राप्त जग्गामा तारबार गरी विभिन्न जातका ५ सय बिरुवा लगाउने काम सम्पन्न भएको छ । हेटौंडा बजारबाट पदमपोखरी, सिग्रेनी, मनहरी गाउँपालिका ओहारदोहोर गर्ने बाटो नजिक पर्ने हुनाले सो क्षेत्र बाटिका निर्माणका लागि अत्यन्तै उपयुक्त रहेको स्थानीयले बताएका छन् ।

सम्बन्धित

दुर्घटनामा दुई जनाको मृत्यु, सात घाइते

३ घन्टा अगाडि रेडियो नेपाल

थप ३ सय ६७ जनामा कोरोना संक्रमण पुष्टि

४ घन्टा अगाडि कल्पना दाहाल