२०७६ साल मंसिर ४ गते बुधबार

तपाईँ सुन्दै हुनुहुन्छः

नेपाल विकासको नयाँ युगमा : प्रधानमन्त्री ओली

रेडियो नेपाल २०७६ कार्तिक ४ गते १८:२२

काठमाडौँ – प्रधानमन्त्री केपी शर्मा ओलीले नेपाल विकासको नयाँ युगमा प्रवेश गरेको बताउनुभएको छ । नागढुंगा सुरुङ मार्गको शिलान्यास गर्दै प्रधानमन्त्री ओलीले आज सो कुरा बताउनुभएको हो ।

सुरुङ मार्गको प्रयोग नेपालमा पहिलो भएकोले यस प्रकारको विकासले देशलाई नयाँ फड्कोबाट अघि बढाउने प्रधानमन्त्री ओलीको भनाइ छ । “हामी यस्तै प्रकारका विकासका नयाँ अभ्यासहरु गर्दै देशलाई विकासको गतिमा अघि बढाउनेछौं ” प्रधामन्त्री ओलीले भन्नुभयो “यस सुरुङ मार्ग निर्माणको सहयोगका लागि जापानी सरकार र त्यहाँका जनताप्रति आभार व्यक्त गर्दछु ।”

प्रधानमन्त्री ओलीले यो सुरुङ मार्गको ४२ महिनामा निर्माण सम्पन्न भइसक्ने बताउनुभएको छ । “विकासको यो नमुना हेर्न केही समय पखौं । बढीमा ४२ महिनामा काम सकिन्छ ” प्रधानमन्त्री ओलीले भन्नुभयो “निर्माण कम्पनीले समय मै काम सक्नेछ भन्ने मेरो विश्वास छ ।”


प्रधानमन्त्री ओलीले देशका अन्य ठाउँमा पनि सुरुङ मार्गको निर्माणका लागि सरकारले प्रक्रिया अघि बढाएको बताउनुभएको छ । “सरकार अब योजनाबद्ध ढंगले विकासका आधुनिक नमुनाहरु प्रयोग गर्दै अघि बढ्दछ ” प्रधानमन्त्री ओलीले भन्नुभयो “अब कुरा काट्नेहरुले पनि काम काट्नेहरुले पनि काम काट्ने बानी बसाउनुप¥यो ।”

काठमाडौंको प्रवेशद्वार त्रिभूवन राजपथको बलम्बूबाट धादिङको सिस्नेखोलामा निस्क्ने सुरुङ मार्गको लम्बाइ २.६६ किलोमिटर छ । जापान सरकारको करिब १६ अर्ब र नेपल सरकारको ६ अर्ब रुपैंया गरी कुल २२ अर्ब रुपैंयामा निर्माण हुन लागेको हो ।