न्युकासलसँग चेल्सी पराजित, म्यान्चेस्टर सिटी, आर्सनल र टोटनह्याम बराबरीमा रोकिए
काठमाडौं । इङ्गलिश प्रिमियर लिग फुटबलमा चेल्सी पराजित हुँदा अन्य शिर्ष टोलीहरु म्यान्चेस्टर सिटी, आर्सनल र टोटनह्याम हट्सपर बराबरीमा रोकिएका छन् ।
गएराती भएको खेलमा चेल्सीलाई न्युकासल युनाइटेडले १–० ले हरायो ।
यसैगरी म्यान्चेस्टर सिटीले क्रिष्टल प्यालेससँग २–२ गोलको बराबरी खेदा आर्सनललाई शेफिल्ड युनाइटेडले १–१ गोलको बराबरीमा रोकेको छ ।
गएराती टोटनह्याम हट्सपरले वाट्फोर्डसँग गोलरहित बराबरीमा चित्त बुझाँउदा ब्राइटन र एस्टन भिल्लाले १–१ गोलको बराबरी खेले ।
प्रिमियर लिग फुटबलमा वुल्भरह्याम्पटन वान्डरर्सले साउथह्याम्पटनलाई ३–२ ले हराउँदा नरिच सिटीले बर्नमाउथलाई १–० ले पराजित गर्यो ।
वेष्ट ह्याम युनाईटेडले एभर्टनसँग १–१ गोलको बराबरी खेलेको छ ।
प्रिमियर लिग फुटबलमा आज(आइतबार) शिर्ष स्थानको लिभरपुलले म्यान्चेस्टर युनाईटेडसँग खेल्नेछ । आजै लेष्टर सिटीले बर्न्लेको सामना गर्नेछ ।
प्रतिक्रिया राख्नुहोस्