अनुदान पाउदा किसान दङ्ग
काठमाडौं । इटहरी ५ का हरी प्रसाद आर्चायले ८ बर्षको उमेर देखिनै गाईपाल्दै आउनुभएको छ । अहिले पनि उहाँले १४ वटा गाई पाल्नुभएको छ । उहाँले गाई पाल्न थालेको यतिका बर्षमा जिन्दगीमै पहिलो पटक अनुदान पाँउनुभयो ।
इटहरी उपमहानगरले अनुदानमा कुटी काटने मेसिन र दुघ राख्ने क्यान प्रदान गरेपछि ७६ बर्षका जेष्ठ नागरिक आचार्य निक्कै खुशि देखिनुहुन्थ्यो ।
इटहरी उपमहानगरकी उपप्रमुख लक्ष्मी गौतमले आज १५ जनालाई कुटि काटने मेसिन, ५ जनालाई दुई दुइवटा क्यान र पाँचजनालाई क्रिम निकाल्ने मेसिन प्रदान गर्नुभएको हो । उपप्रमुख गौतमले पशुपालक कृषकलाई उत्प्रेरित गर्दै आत्मनिर्भर वनाउन बिभिन्न समाग्री प्रदान गरिएको वताउनुभयो ।
उहाँले सात लाख वरावरको समाग्री प्रदान गरिएको वताउनुभयो । समाग्री प्राप्त गर्ने इटहरी ७ का कृषक रमेश भटटराईले स्थानीय सरकार पशुपालक कृषकका साथमा भएको आभाष मिलेको वताउनुभयो । उपमहानगरले पचास देखि सत्तरी प्रतिशत अनुदानमा ती समाग्री वितरण गरेको हो ।
प्रतिक्रिया राख्नुहोस्