२०७७ साल साउन २३ गते शुक्रबार

तपाईँ सुन्दै हुनुहुन्छः

एनआरटी २–१ ले पराजित

रेडियो नेपाल २०७६ फागुन २ गते १२:०८

काठमाडौं– हिमालयन शेर्पा क्लबले न्युरोड टिम (एनआरटी)लाई पराजित सहिद स्मारक ‘ए’ डिभिजन लिगमा सुखद् अन्त्य गरेको छ।

सातदोबाटोस्थित एन्फा कम्प्लेक्सको मैदानमा शुक्रबार भएको पहिलो खेलमा हिमालयन शेर्पाले एनआरटीमाथि २–१ गोलअन्तरले जित निकाल्याे।

खेलको ३१ औं मिनेटमा एनआरटीका राजेश परियारले गोल गर्दै सुरुवाती अग्रता लिएको थियो। अशोक थापाले दिएको बललाई राजेशले गोलमा परिणत गरे।
उता हिमालयन शेर्पाले खेलको ४१ औं र इन्ज्युरी समयमा गोल गर्दै २–१ ले आफ्नो पक्षमा पार्यो।

हिमालयन शेर्पाका लागि विदेशी खेलाडी स्टेफेन देउबेनीले पहिलो गोल गरेर खेललाई बराबरीमा ल्याएका थिए। त्यस्तै, पहिलो हाफको अतिरिक्त समयमा त्रिदेव गुरुङले गोल गर्दै खेल आफ्नो पक्षमा पारे।

खेलको म्यान अफ द म्याच त्रिदेव गुरुङ घोषित भए।

जितसँगै १४ अंक बटुलेको हिमालयन शेर्पाले दसौं स्थानमा रहँदै लिग टुंग्याएको छ। उसले ३ खेलमा जित, ५ मा बराबरी खेल्दा ५ मा पराजयको सामना गरेको छ।

उता एनआरटी भने १५ अंकसहित तालिकाको नवौं स्थानमा छ। उसले ५ खेलमा जित र २ मा बराबरी खेलेको छ भने ६ खेलको नतिजा विपक्षीलाई सुम्पिएको छ।