कोरोना भाइरसबाट १४८५ को मृत्यु, २७ देशमा संक्रमण

हङकङमा शुक्रबार कोरोना भाइरसबाट बच्न मास्क लगाएका एक व्यक्ति भ्यालेन्टाइन डेका लागि फूल किन्दै । एएफपी

बेइजिङ– चीनको हुपई प्रान्तमा फैलिएको कोरोना भाइरस संक्रमणबाट १४८५ को मृत्यु भएको छ।

हुपेईमा बिहीबार मात्र ११६ जनाको मृत्यु भएको चिनियाँ अधिकारीहरूले बताएका छन्। विश्वभर झन्डै ६५ हजारमा संक्रमण भएको छ। संक्रमणबाट एक जना हङकङ, एक जना फिलिपिन्स र एक जना जापानमा तथा बाँकी सबै चीनमा निधन भएको हो।

हुपेईमात्र ३६७१९ को उपचार भइरहेको चीनको राष्ट्रिय स्वास्थ्य आयोगले जनाएको छ। त्यसमध्ये १६८५ को अवस्था गम्भीर छ।

अहिलेसम्म ४१३१ जना उपचारपछि घर फर्किएका छन्। चीनबाहेक अन्य २६ देशका ५८५ मा यो भाइरस संक्रमण पुष्टि भएको छ।

चीनबाहेक अन्य देशमा कहाँ कति स‌ंक्रमित?