२०७८ साल वैशाख २७ गते सोमबार

तपाईँ सुन्दै हुनुहुन्छः

आर्सनलको पुनरागमन

रेडियो नेपाल २०७६ फागुन ५ गते ८:५४

लन्डन– इंग्लिस प्रिमियर लिग अन्तर्गत आइतबार राति भएको खेलमा आर्सनलले न्युक्यासलमाथि जित निकालेको छ।

आर्सनलको मैदान इमिरेट्स स्टेडियममा सम्पन्न खेलमा न्युक्यासलमाथि आर्सनलले ४–० को गोलअन्तरले जित निकालेको हो।

लिगमा ६ जित निकालेको आर्सनलले यो सिजन राम्रो प्रदर्शन गरिरहेको छैन। विगतका सिजनमा लिगको शीर्ष ६ भित्र रहने टोलीलाई जारी सिजनमा सो ठाउँ पाउन मुस्किल परेको देखिन्छ। तर, आजको खेलले आर्सनललाई खेलमा फर्कन सहयोग गरेको छ।

खेलमा पियरे एमरिक, निकोलस पेपे, मेसुट ओजिल र अलेक्जेन्डर लकाजेटले गोल गरे।

पहिलो हाफमा गोल हुन नसकेपछि सबै गोल दोस्रो हाफमा सम्भव भएको थियो। पियरेले खेलको ५४ औं मिनेटमा गोल गरे भने पेपे र ओजिलले खलको ५७ औं र अन्तिम मिनेटमा गोल गरे। त्यस्तै, इन्ज्युरी समयमा अलेक्जेन्डरले गोल गरेपछि आर्सनलले ४–०को जित निकालेको हो।

जितसँगै आर्सनल ३४ अंकसहित तालिकाको दसौं स्थानमा छ। उसले ७ खेलमा जित, १३ मा बराबरी खेल्दा ६ मा हार व्यहोरेको छ।

त्यस्तै न्युक्यासल १३ औं स्थानमा छ। उसको ३१ अंक रहेको छ।

सम्बन्धित

महामारीमा पनि घटेन लैङ्गिक हिंसा   

५ घन्टा अगाडि कालिका खड्का

कोहलपुर आईपुग्यो ‘अक्सिजन लिक्विड’

५ घन्टा अगाडि गुरमुरत यादव