सुकेटार विमानस्थलमा स्वास्थ्य परीक्षणको लागि हेल्प डेस्कको स्थापना
ताप्लेजुङ । कोरोना भाइरस (कोभिड–१९) को संक्रमणबाट बच्नका लागि ताप्लेजुङको एकमात्र विमानस्थल सुकेटारमा हेल्प डेस्क स्थापना गरिएको छ ।
हेल्प डेस्कको स्थापना गरेसंगै सोमबार देखि यात्रुहरुको स्वास्थ्य परीक्षण गर्न थालिएको छ । नगरपालिकाको शहरी स्वास्थ्य केन्द्रमार्फत सुकेटार विमानस्थलमा सञ्चालन हुने गरी हेल्प डेस्क स्थापना गरिएको हो ।
हवाई यात्रुको तापक्रम सहितका स्वास्थ्य परीक्षण गर्ने थालिएकोे प्रमुख जिल्ला अधिकारी डोरेन्द्र निरौलाले जानकारी दिनुभयो । सुकेटार विमानस्थलमा अहिले प्रत्येक हप्ताको सोमबार, मंगलबार, बुधबार र शनिबार काठमाडौ–ताप्लेजुङ नेपाल वायु सेवा निगमले र काठमाडौं ताप्लेजुङ तथा ताप्लेजुङ–भद्रपुर सीता एयरले उडान सञ्चालन गर्दै आएको छ ।
प्रतिक्रिया राख्नुहोस्