बाँकेमा एम्बुलेन्स र मोटरसाइकल एकापसमा ठोक्किंदा एक जनाको मृत्युु
नेपालगन्ज । बाँकेमा एम्बुलेन्स र मोटरसाइकल एकापसमा ठोक्किंदा एक जनाको मृत्युु भएको छ । दुर्घटनामा दुई जना घाइते भएका छन् ।
कोहलपुर नगरपालिका वडा नम्बर ११ दशविगाह नजिकै आज विहान १० बजे एम्बुलेन्स र मोटरसाइकल एक आपसमा ठोक्किंदा मोटरसाइकलमा पछाडि सवार कालिकोट सान्नी त्रिवेणी गाउँपालिका ९ घर भई हाल बाँकेकै बैजनाथ गाँउपालिकास्थित बनकटुवा प्राथमिक स्वास्थ्य केन्द्रमा अनमीको रुपमा कार्यरत २८ वर्षीया शोभा बटाला केसीको मृत्यु भएको जिल्ला ट्राफिक प्रहरी कार्यालय कोहलपुरले जनाएको छ ।
मोटरसाइकल चालक कालीकोट सान्नी त्रिवेणी ९ कै ५२ वर्षीय डण्ड बिक्रम बिष्ट गम्भीर घाइते हुनुभएको छ । एम्बुलेन्स चालक बारबर्दिया ६ बर्दियाका राम बहादुर थारु भने सामान्य घाइते हुनुभएको छ ।
दुबैको कोहलपुरमा उपचार भइरहेको छ । नेपालगन्ज मेडिकल कलेज शिक्षण अस्पताल कोहलपुरबाट बिरामी लिएर नेपालगन्ज जाँदै गरेको भे १ च ८२४ नम्बरको एम्बुलेन्स र से ५ प ४८४ नम्बरको मोटरसाइकल एक आपसमा ठोक्किएका थिए ।
प्रतिक्रिया राख्नुहोस्