२०७८ साल वैशाख २५ गते शनिबार

तपाईँ सुन्दै हुनुहुन्छः

रौतहटमा एकै दिन ६५ जनामा कोरोना भाइरसको सङ्क्रमण

सञ्जय कार्की २०७७ जेठ २२ गते १४:४१

रौतहट । रौतहटमा बिहीबार एकै दिन मात्र नयाँ ६५ जनामा कोरोना भाइरसको सङ्क्रमण देखिएको छ । यससँगै रौतहटमा कोरोना भाइरसको संक्रमतिको सङ्ख्या तीन सय ८३ पुगेको छ ।

बिहीबार थपिएका सँगै रौतहटको १८ वटै पालिकाको क्वारेनटाइनमा बस्दै आएकामा कोरोना भाइरसको सङ्क्रमण देखिएको हो ।

बिहीबार कोरोना भाईरस सङ्क्रमण देखिएकोमा ईशनाथ नगरपालिकामा ४६ जना, गुजरा नगरपालिकामा ८ जना, गडिमाई नगरपालिकामा सात जना, चन्द्रपुर नगरपालिका एक जना, फतुवा विजयपुर नगरपालिकामा एक जना, माधव नारायण नगरपालिकामा एक जना र दुर्गा भगवती गाउँपालिकामा एक जनामा देखिएको जिल्ला प्रशासन कार्यालय रौतहटले जनाएको छ ।

प्रमुख जिल्ला अधिकारी वासुदेव घिमिरेले कोरोना सङ्क्रमण देखिएका सबै रोजगारी गरेर भारतबाट फर्किएको बताउनुभयो । उहाँले सङ्क्रमित व्यक्तिहरू समुदायमा नगएका कारण कोरोना भाइरसको सङ्क्रमण फैलने डर नभएको बताउनुभयो ।

सङ्क्रमित देखिएका सबैको स्वास्थ्य अवस्था सामान्य रहेको र उनीहरू स्वास्थ्यकर्मीको निगरानीमा रहेका छन् ।

भारतबाट दैनिक घर आउनेको सङ्ख्यामा वृद्धि भइरहेको छ । प्रहरी प्रशासनले सीमा नाकामा निगरानी बढाउने र घर आउन लागेकालाई सम्बन्धी पालिकाले निर्माण गरेको क्वारेनटाइनमा लगेर सिधै राख्ने गरिँदै आएको छ ।

स्वास्थ्यकर्मीले क्वारेन्टाईनमा रहेकाहरूको पिसिआर परीक्षणको लागि स्वाब निकालेर पायक पर्ने प्रयोगशालामा पठाउने गरिएको जनाइएको छ ।

सम्बन्धित

मौसममा आजदेखि सामान्य सुधार हुने

१६ मिनेट अगाडि रेडियो नेपाल

नेपाल सुपर लीग फूटबलमा आज दुई खेल हुँदै

२१ मिनेट अगाडि रेडियो नेपाल

सगरमाथा आरोहण शुरूः कामीरिताको २५ औँ विश्व कीर्तिमान

२ घन्टा अगाडि सिबी अधिकारी / भोजराज कार्की