पहिरो पन्छाएपछि अवरुद्ध भिमफेदी–कुलेखानी सडक खण्ड सुचारु
मकवानपुर । पहिरोको कारण शनिवार बिहानदेखि अवरुद्ध रहेको काठमाडौँ जोड्ने छोटो दुरीको भिमफेदी–कुलेखानी सडक सुचारु भएको छ ।
शुक्रवार रातीदेखिको लगातारको वर्षका कारण दुई स्थानमा लेदो माटोसहितको पहिरो गएर अवरुद्ध भएको सडक पहिरो पन्छाएपछि सुचारु भएको हो ।
शुक्रवार रातिदेखि लगातारको वर्षका कारण भिमफेदी–कुलेखानी सडक खण्ड अन्तरगत भिमफेदी–६ जुरी खेतमा र त्यसकै २०० मिटर तल दुई ठाउँमा पहिरो गएको थियो ।
दुवै ठाउँको पहिरो पन्छाएपछि बिहानदेखि अवरुद्ध रहेको उक्त सडक खण्ड खुलेको इलाका प्रहरी कार्यालय भिमफेदीका प्रहरी निरीक्षक राम बालक रायले जानकारी दिनुभयो ।
दुवै स्थानको पहिरो हटाएपछि अवरुद्ध रहेको सडक दुवैतर्फ सुचारु भएको उहाँले बताउनुभयो ।
प्रतिक्रिया राख्नुहोस्