२०७८ साल वैशाख २५ गते शनिबार

तपाईँ सुन्दै हुनुहुन्छः

विकास निर्माण योजनाको अनुगमन

रेडियो नेपाल २०७७ जेठ २७ गते १२:३५

भरतपुर – चितवन जिल्लामा सञ्चालन भइरहेका विकास निर्माणका कामहरुको अनुगमन गरिएको छ ।

चालू आर्थिक वर्षमा सङ्घ, प्रदेश, जिल्ला समन्वय समितिले विनियोजन गरेको बजेट र त्यसका योजनाहरुको जिल्ला समन्वय समिति र सरोकारवालाको सहभागितामा अनुगमन गरिएको हो ।

स्थानीय पूर्वाधार साझेदारी कार्यक्रमअन्तर्गत सङ्घ र प्रदेशबाट विनियोजन भएका योजनाको एक सातादेखि अनुगमन गरिएको जिल्ला समन्वय समिति चितवनका शाखा अधिकृत बद्रीनाथ सापकोटाले जानकारी दिनुभयो । “सबै स्थानीय तहमा अनुगमन गरेका छौँ”, उहाँले भन्नुभयो, “बन्दाबन्दीको समयमा पनि धमाधम काम भइरहेको छ ।” उहाँले काम शुरु नभएका योजनाको काम शुरु गर्न र निर्माणमा भइरहेका योजनामा देखिएको बाधा व्यवधान हटाउन पहल गरिएको बताउनुभयो । उहाँले असारको पहिलो र तेस्रो हप्तामा पनि अनुगमन गरिने जानकारी दिनुभयो ।

अनुगमनमा प्रदेशसभा सदस्यको सहभागिता थियो । रु ५० लाखमाथिका योजना बोलपत्र र अन्य उपभोक्ता समितिमार्फत काम भइरहेको छ । “सबै योजनामा काम भइरहेका छन्, आम नागरिकले पनि निकै चासोका साथ योजनाको निगरानी गरिरहेका छन्”, प्रदेशसभा सदस्य विजय सुवेदीले भन्नुभयो ।

आफ्नो क्षेत्रका योजनाको निरन्तर अनुगमन गर्दै समयमै गुणस्तरीय काम सम्पन्न गर्न निर्देशन दिँदै आइरहेको उहाँले बताउनुभयो । बन्दाबन्दीले परिस्थिति प्रतिकूल भए पनि विकास निर्माण नरोक्न निर्देशन दिइएको उहाँले जानकारी दिनुभयो ।

अनुगमन गरिएको योजनाको काम धमाधम भइरहेको जिल्ला समन्वय समिति चितवनका प्रमुख कृष्णकुमार डल्लाकोटीले बताउनुभयो ।

उहाँले बजेटको दुरुपयोग हुन नदिन चनाखो भएर काम गरिरहेको दाबी गर्नुभयो । खैरहनी, रत्ननगर, माडी नगरपालिका र इच्छाकामना गाउँपालिकामा जिससका प्रमुख कृष्णकुमार डल्लाकोटी तथा भरतपुर महानगरपालिका, राप्ती नगरपालिका र कालिका नगरपालिकामा जिससका उपप्रमुख मुनाकुमारी श्रेष्ठको नेतृत्वमा अनुगमन गरिएको हो ।रासस

सम्बन्धित

मौसममा आजदेखि सामान्य सुधार हुने

१२ मिनेट अगाडि रेडियो नेपाल

नेपाल सुपर लीग फूटबलमा आज दुई खेल हुँदै

१८ मिनेट अगाडि रेडियो नेपाल

सगरमाथा आरोहण शुरूः कामीरिताको २५ औँ विश्व कीर्तिमान

२ घन्टा अगाडि सिबी अधिकारी / भोजराज कार्की