२०७८ साल वैशाख २७ गते सोमबार

तपाईँ सुन्दै हुनुहुन्छः

महिलाको आकर्षण बढ्यो ढाका बुनाइमा

रेडियो नेपाल २०७७ असार ८ गते १५:३९

फाइल तस्बिर

भोजपुर – भोजपुरको पौवादुङ गाउँपालिकाका महिलाको पराम्परागत ढाका बुनाइमा आकर्षण बढेको छ । आर्थिक रुपमा पिछडिएका समुदायलाई लक्षित गरेर गाउँपालिकाले सो सम्बन्धीे तालिम सञ्चालन गरेपछि उनीहरुकोे आकर्षण बढेको हो ।

हाते मेसिनको प्रयोग गरेर तयार गरिएको ढाकाको कपडाको माग बढेसंगै राम्रो आम्दानी हुने भएपछि तालिम लिएर व्यवसाय गर्नेको संख्या समेत वृद्धि हुन थालेको छ ।

महिला लक्षित कार्यक्रम अन्तर्गरत सातालिम सञ्चालन गरेको गाउँपालिकाले जनाएको छ । स्थानीय स्तरमा उत्पादन भएका यस्ता सामग्रीले बजारमा राम्रो मुल्य पाउने भएपछि गाउँपालिकाले महिलालाई यस्तो तलिम दिन थालेको हो ।

एउटा साडिको मूल्य २५ देखि ३० हजार सम्म पर्ने स्थानीयहरुले बताउने गरेका छन् । तालिमले दलित, आर्थिकस्तर कमजोर र असाहय वर्गका महिलाहरुलाई आर्थिक रुपमा सबल गर्नको लागि सहयोग पुग्ने गाउँपालिका अध्यक्ष किरण राईले बताउनुभयो । उहाँले भन्नुभयो, ‘‘स्थानीयलाई सीप दिएर आत्मनिर्भर बनाउने उद्देश्यले गाउँपालिकाले विभिन्न खाले कार्यक्रम सञ्चलान गरिरहेको छ, ढाका बुनाइबाट राम्रो आम्दानी लिन सकिने भएपछि हामीले घरेलु कार्यालयसँगको सहकार्यमा सबै वडाका महिलाहरुलाई लक्षित गरेर तालिम सञ्चालन गरेका छौ ।’’

घरेलु उद्योगलाई प्रवद्र्धन गर्दै ग्रामिण भेगका महिलालाई लघु उद्यममा प्रोत्साहन गर्ने उदेश्यले गाउँपालिकासँगको सहकार्यमा तालिम सञ्चालन गरिएको घरेलु तथा साना उद्योग विकास कार्यालयले जनाएको छ । सीप सिकेर व्यवसाय गर्न चाहनेलाई मेसिन उपकरण समेत सहयोग गर्ने कार्यालयका निमित्त प्रमुख प्रेम बुढाथोकीले बताउनुभयो ।

तालिमसंगै आवश्यक औजार उपकरण समेत पाए व्यवसाय गर्न सहज हुने सहभागीले बताएका छन् । स्थानीय सुस्मिता राईले भन्नुभयो, ‘‘तालिम लिएर आत्मनिर्भर बन्ने लक्ष्यले सहभागी भएकी हुँ, ढाका बुनाइबाट राम्रो आम्दानी लिन सकिन्छ, आवश्यक औजार उपकरण पाए व्यवसायलाई निरन्तरता दिन थप सहयोग पुग्ने थियो, ढाका बुनाईबाट तयार गरिएको कपडाको बजारमा अहिले धेरै माग बढेको छ ।’’

ढाका बुनाइ एउटा परम्परागत कला रहेकोले यसले नेपालीको पहिचान दिलाउने स्थानीयले बताएका छन् । तालीममा ४० जना महिलाको सहभागिता रहेको छ ।

गत वर्ष पनि गाउँपालिकाले विभिन्न सीपमूलक तालीम दिएको थियो । यस वर्ष सो कार्यालयसँगको सहकार्यमा गाउँपालिकाका सबै वडामा ढाका बुनाइ तथा सिलाइ कटाइसम्बन्धी तालिम सञ्चालन गरिएको गाउँपालिका उपाध्यक्ष सम्झना राईले जानकारी दिनुभयो । रासस

सम्बन्धित

महामारीमा पनि घटेन लैङ्गिक हिंसा   

६ घन्टा अगाडि कालिका खड्का

कोहलपुर आईपुग्यो ‘अक्सिजन लिक्विड’

७ घन्टा अगाडि गुरमुरत यादव