बरुवा खोलामा डुबेर युवकको मृत्यु
उदयपुर । उदयपुरको सदरमुकाम गाईघाट स्थित बरुवा खोलामा डुबेर एक स्थानीय युवकको मृत्यु भएको छ ।
गर्मी छल्न नुहाउने क्रममा गाईघाट बजारपूर्व विसनपुरस्थित बरुवा खोलामा बालुवा झिक्न खनेको खाल्डोमा परी त्रियुगा नगरपालिका १३ हवाईफिल्डका ३८ वर्षीय सन्तोष भुजेलको मृत्यु भएको प्रहरीले जनाएको छ ।
बोली नफुट्ने भुजेल डुबेको ठाउँभन्दा झण्डै डेढसय मिटर तल मृत अवस्थामा भेटिएको जिल्ला प्रहरी कार्यालय उदयपुरले जनाएको छ ।
घरदेखि विहान ८ः०० बजे निस्केका उनी दिउँसो १२ः०० बजे मृत अवस्थामा भेटिएको स्थानीयले देखेर प्रहरीलाई जानकारी आएको जिल्ला प्रहरी प्रमुख एसपी भीमबहादुर दाहालले बताए ।
जिल्ला प्रहरीबाट खटेको टोलीले घट्नास्थलको सर्जमिन मुचुल्का गरी लास पोष्टमार्टमका लागि उदयपुर जिल्ला अस्पताल पठाएको एसपी दाहालले बताए ।
प्रतिक्रिया राख्नुहोस्