रुकुम पश्चिमका चौरजहारी नगरपालिकाका तीन वटा वडा सिल
रुकुम । रुकुम पश्चिमको चौरजहारी नगरपालिकामा तीन वटा वडा सिल गरिएको छ । नगरमा कोरोना भाइरसबाट सङ्क्रमित नागरिकको सङ्ख्या बढेसँगै वडा नम्बर १ ,२ र ३ नम्बर वडालाई सिल गरिएको हो ।
नगरले एक सूचना प्रकाशित गरी वडा सिल गरिएको जानकारी गराउँदै सिल गरिएको क्षेत्रमा कोही कसैले प्रतिबन्धित कार्य गरेको पाइएमा संक्रामक रोग ऐन अनुसार कारबाही गरिने ब्यहोरा समेत जानकारी गराइएको छ ।
उक्त वडाबाट बुधवार मात्र नौ जना व्यक्ति सङ्क्रमित भएको रिपोर्ट आएको थियो ।
सिल गरिएको वडामा अत्यावश्यक काम बाहेक सवारी साधन चलाउन मानिसहरूको आवतजावत र व्यापार व्यवसाय पुर्णरुपमा बन्द गर्न सूचनामा भनिएको छ ।
प्रतिक्रिया राख्नुहोस्