चितवनमा उपचाररत थप एक जना कोरोना सङ्क्रमितको मृत्यु
चितवन । चितवनको भरतपुर अस्पतालमा उपचाररत थप एक कोरोना सङ्क्रमितको मृत्यु भएको छ ।
सर्लाही हरिहर गाँउपालिकाका ५५ बर्षिय पुरुषको आज विहान १० बजे मृत्यु भएको भरतपुर अस्पतालका सूचना अधिकारी लिलाधर पौडेलले जानकारी दिनुभयो ।
किड्नी फेल भई डायलायसिस भइरहेको उनको भदौ १८ गते कोरोना पुष्टि भएको थियो । उनलाई खोकी र स्वासप्रश्वासको समेत समस्या देखिएको अस्पतालले जनाएको छ ।
उनको स्वास्थ्य अवस्था जटिल बन्दै गएपछि २३ गते कोभिड आइसियूमा राखेर उपचार गरिएको थियो । उनको नियमित डायलायसिस समेत गरेको अस्पतालले जनाएको छ ।
भरतपुर अस्पतालमा मात्रै कोरोनाका कारण १३ जनाको मृत्यु भइसकेको छ ।
प्रतिक्रिया राख्नुहोस्