चरिकाेटमा रेडियाे नेपालकाे रिले स्टेशन स्थापना (फोटाे फिचर सहित)
मन्त्री गुरुङले दोलखामा राष्ट्रिय समाचार समिति (रासस) को समेत सम्पर्क कार्यालय स्थापना भएको र जिल्लालाई स्मार्ट जिल्ला घोषणा गरिएकाले त्यस क्षेत्रको विकासलाई प्राथमिकताका राखेर काम भइरहेको बताउनुभयो ।
कार्यक्रममा रेडियो नेपालका कार्यकारी निर्देशक बुद्धि बहादुर केसीले देशका हरेक भु–भागमा रेडियो नेपालको पहुँच पुर्याउनु पर्ने सरकारको नीति अनुरुप चरिकोटमा एफएम रिलेस्टेशन स्थापना गरिएको र यससँगै रेडियो नेपालको एफएम रिले केन्द्रको सङ्ख्या २४ वटा पुगेको बताउनुभयो ।
रेडियो नेपालले चरिकोटमा एफएम रिलेस्टेशन स्थापना गरेपछि १०० मेगाहर्जमा रेडियो नेपालको प्रसारण दोलखा जिल्लाका साथै आसपासका जिल्लाहरू रामेछाप, काभ्रेपलान्चोक, सिन्धुपाल्चोक, सोलुखुम्बु र ओखलढुङ्गाका केही क्षेत्रमा समेत रेडियो नेपालको प्रसारण एफएममा सुन्न सकिने भएको त्यस क्षेत्रको भ्रमणमा रहनुभएका रेडियो नेपालका मुख्य कार्यक्रम अधिकृत गोकर्ण रेग्मीले बताउनुभयो ।
उद्घाटन कार्यक्रममा दोलखा जिल्लाका विभिन्न नगर तथा गाउँपालिकाका प्रमुख, प्रमुख जिल्ला अधिकारी तथा कार्यालय प्रमुखहरू, पत्रकारहरूलगायतको सहभागिता रहेको थियो ।
प्रतिक्रिया राख्नुहोस्