राष्ट्रपति रनिङ शिल्डको उपाधि सोलुदूधकुण्डलाई
सोलुखुम्बु । सोलुखुम्बुमा भएको राष्ट्रपति रनिङ शिल्ड प्रतियोगितामा सोलुदूधकुण्ड नगरपालिकाले उपाधि जितेको छ ।
नगरपालिकाले १६ स्वर्ण, १४ रजत र १ कास्य पदकका साथमा प्रथम भएको हो ।
त्यस्तै, थुलुङ दूधकोशी गाउँपालिका १४ स्वर्ण, १० रजत र ४ कास्य पदक सहित दोस्रो र माप्य दूधकोशी गाउँपालिका १ स्वर्ण, ३ रजत र ८ कास्यसहित तेस्रो भएको छ ।
प्रतियोगितामा सोलुदूधकुण्ड नगरपालिका, थुलुङ दूधकोशी गाउँपालिका, सोताङ, महाकुलुङ र माप्य दूधकोशी गाउँपालिकाले सहभागिता जनाएको थिए ।
प्रदेशस्तरीय राष्ट्रपति रनिङ शिल्ड प्रतियोगितामा सहभागी हुनका लागि सोलुखुम्बुबाट ७० जना खेलाडी छनोट भएको जिल्ला खेलकुद विकास समिति सोलुखुम्बुले जनाएको छ ।
छनोट भएका खेलाडीलाई प्रदेश नं. १ को राजधानी विराटनगरमा सञ्चालन हुने प्रदेशस्तरीय प्रतियोगितामा सहभागी गराइने जनाइएको छ ।
प्रतिक्रिया राख्नुहोस्