कर्णालीमा बजेट अधिवेशन आव्हान गर्ने तयारी
सुर्खेत । कर्णाली प्रदेश सभाको हिउँदे अधिवेशन अन्त्य गरी बजेट अधिवेशन आव्हान तयारी गरिएको छ ।
प्रमुख प्रतिपक्षी दल नेकपा एमालेले कोरोना सङ्क्रमण जोखिम देखाउँदै गरेको अवरोधका कारण प्रदेशसभाको बैठक हालसम्म बस्न नसकेपछि अब हिउँदे अधिवेशनलाई अन्त्य गरी बजेट अधिवेशनको तयारी गरिएको हो ।
प्रदेश सभामुख राजबहादुर शाहीले वैशाखको अन्तिमसम्म सदन अन्त्य भई जेठ पहिलो सातामा बजेट अधिवेशन आव्हान हुन सक्ने बताउनुभयो ।
उहाँका अनुसार प्रदेश सभाको हिउँदे अधिवेशनमा कुनै विधेयक नै पारित नगरेर अन्त्य हुने सम्भावना बढेको छ ।
वैशाख ३ गतेबाट सुरु भएको हिउँदे अधिवेशन हालसम्म ३ पटक मात्र बैठक बस्न सकेको थियो ।
प्रतिक्रिया राख्नुहोस्